أحمد حلمي ينشر الصورة الأولى لابنه سليم – بالصور

30 يونيو , 2017 بواسطة :

للمرة الأولى، قام الفنان المصري أحمد حلمي، بنشر صورة له مع ابنه الثاني (سليم)، وذلك عبر صفحته على الإنترنت.

علق حلمي على الصورة قائلاً: “لما كنت طفل كان كل حاجه في حياتي، جبل كبير ضخم كله قوة، وعلى قد قوته كانت حنيته، عمري ما انسى كف أيده الدافئ وهو حاضن أيديا الصغيره، نينني عيننه اللي بيضحك لما بيبص في وشي، كنت بحس بالأمان لأنه مركز معايا وواخد باله مني”.

أحمد حلمي وابنه سليم

أضاف: “لا شغل شاغله عني ولا اهتمام كان ناقصني، حفظني طريق مدرستي زي ما حفظني امشي في أول خطوتي من الكنبه للترابيزه وهو بيشجعني ومحاوطني بدرعاته، أنه أبي، أنه أبويا، أنه والدي، أنه بابا، اللي زرعه ابويا من اهتمام وتواصل فرق معايا كتير، أو بمعنى أدق خلاني أب أعرف أتعامل مع أطفالي، شكرا يا أبي شكر دائم ومستمر مدي الحياه.. شكر أتمنى إني استحقه وأسمعه من ابني وبنتي لما يكبروا فأشكرك شكر تاني”.

اختتم كلامه قائلاً: “”شكرا لكل أب بمناسبة عيد الأب.. وطبعا طبعا طبعا شكرا لكل ست لأنها هي اللي ولدت وربت كل طفله بقت أم وكل طفل بقي أب.. يونيسف الشهر ده بتحتفل بكل أب في مصر وفي العالم كله، نزّل صورتك مع ولادك أو صورتك مع والدك مع موقف فاكره أثر في تربية ولادك أو في تربيتك، وأنت صغير وأعمل تاج ليونيسف على هاشتاج (السنين الأولى بتفرق) علشان تكونوا جزء من الحملة دي”.

منى زكي وأحمد حلمي في حفل مهرجان القاهرة السينمائي

نُذكر أن لحلمي من زوجته الفنانة منى زكي، ثلاث أبناء هم (لي لي)، و(سليم)، و(يونس).

كريم عصام – القاهرة