رنا سماحة تنجو من الموت وتعليقها مؤثر – بالصور

10 سبتمبر , 2017 بواسطة :

تعرضت الفنانة المصرية رنا سماحة، لحادث سير قوي نجت منه بأعجوبة، حيث نتج عن الحادث تدمير أجزاء كبيرة من سيارتها.

الفنانة المصرية رنا سماحة

طمأنت رنا محبيها على حالتها قائلة: (الحمدلله وقدر الله وما شاء فعل، انا بخير ما تقلقوش الحمدلله جت في العربيه).

الحادث الذي تعرضت له رنا سماحة

تابعت: (امبارح مر قدامي شريط حياتي وافتكرت قد ايه تعبت من بدايتي لحد النهارده وشفت السلم اللي طلعته من نقطة الصفر لدلوقتي وطلعت بكم نتيجه يمكن حد يستفيد اولاً ان ربنا ده كريم أوي وده اول واهم واكبر فضل ونعمه ف حياتي وماينفعش تحت اي ظرف انسى الفضل ده كل مرحله عديت بيها وكل ثانية تعب او شقا شفتها ربنا عوضني وبيعوضني عنها خير ونجاح وحب الناس اللي هو نعمه عظيمه اوي من ربنا فالحمدلله دائماً وأبداً على كل نعمه واعوذ بالله من اي لحظة كبر او غرور او تكبر ممكن تصيبني كبني ادم ثانياً اهلي اللي تعبوا ووقفوا جنبي من اول ما اتولدت لحد ما بقيت انسانه ليها كيان وطموح وشخصية فضلهم عليا كبير جداً وخصوصاً دعوة امي وأبويا اللي عايشه بيها ف حياتي، ثالثاً كل ظرف مريت بيه او كل يوم شفتهم وكل خبره اكتسبتها في خلال سنين عمري في اي شغل اشتغلته حتى قبل شغل المزيكا خلاني بقيت راجل صلب ومسؤول وعارف وحاسس قيمة التعب والنعمه الكبيره اللي ربنا انعمها عليا واللي لازم احافظ عليها تحت اي ظرف من الظروف، رابعاً الحمدلله في كل مراحل حياتي دايماً بيكون حواليا دايره من الناس اللي ربنا بيجعلهم سبب في اني يكون عندي امل وحافز وطاقه اني اكبر والنَّاس دي عمري ما هنسى فضلهم ف حياتي وأخيراً اعوذ بالله من اي لحظة كلل او ملل او احباط او يأس او كبر او غرور ممكن يصيبني والله على ما اقوله شهيد).

كريم عصام – القاهرة