سالي عبد السلام فقدت شعرها بسبب الحسد! – بالصورة

24 يوليو , 2017 بواسطة :

شنت الإعلامية المصرية الشابة سالي عبد السلام، هجوماً كبيراً على كل من يحسدها بسبب نجاحاتها في عملها، مشيرة إلى أنها تعاني في حياتها كأي شخص آخر.

الاعلامية المصرية سالي عبد السلام

فاجأت سالي متابعيها، ونشرت صوراً لها بعد أن تساقط شعرها بكميات كبيرة، بعد أن كان شعرها هو أكثر ما يميزها، وكان الجميع يسألونها عن طريقة اعتنائها به.

الصور التي نشرتها سالي عبد السلام

كتبت سالي تعليقاً على صورتها قائلة: “”اصدمكم اكتر!! لكل حد كتب كومنت على راسي والله.. انا بقرأ الاذكار كل يوم!! مبفوتش فرض وبالسنن وقيام الليل الحمد لله .. المعوذات قبل ما انزل!!! القرآن والبخور كل يوم كل يوم والله..وبحلف!! بس والله كدة كتير عليا!”.

وتابعت: “انا تعبت…عمري ما كنت بركز في الحسد بس مؤمنة بيه.. مبركزش من كتر ما بتتقالي انتي محسودة والناس مركزة معاكي بزيادة؟ انا؟؟ طب ليه؟؟! يجوا يشوفوا الواقع، اعوذ بالله ربنا يديهم اضعاف اضعاف اللي بيفكروا بس فيه.. لكن في شعري الاقيه كدة امبارح فجأة لا!!!! كدة كتير وفوق طاقتي يا ربي… لما الاقي جروبات كتير بتتكلم على شعري ويا ترى ده اكستنشن ولا زفت والا ولا كلمة ماشاء الله او اللهم بارك كله غل او يقول ده مش شعرها وانا اتبرع واحط صوري وانا صغيرة عشان اقولهم دى طيبعة شعر مش طريقة معينة للاهتمام عشان محدش يضحك عليكم بحسن نية للي بيسأله ويحصلي بعدها كدة”.

وأضافت: “في شعري 3 مناطق مفيهاش شعراية!! الاقى بوست زي ده معنولي اكتر من 200 منشن فيه وعلى الواتس اب والماسنجر واقرب صحاب ليا زعلانين ويقولولي ربنا يستر عليكي بجد دول عينيهم وحشة هيحصل حاجة!!!! وانا اكبر واضحك…لا اهه حصل!!! كدة كفاية والله.. والله كفاية ! مفاضلش غير شوية الرضا وتقبل الدنيا اللي مخليني قادرة اكمل..ابوس ايدكم بلاش دول كمان! ده مش هزار ممكن تأذي حد غصب عنك او نفسك وبتحصل فعلاً لازم تقول ماشاء الله او اللهم بارك وصفي نيتك!”.

اختمت كلامها قائلة: “أعوذ بكلمات الله التامات من شر ما خلق. أعوذ بكلمات الله التامة من كل شيطان وهامة ومن كل عين لامة… والله يا ريتني كتبت وقلت وبعد كدة هقول في وش اي حد واحرجه او حاسد هقوله وربنا لازم يردهالي اللي مبيضيعش عنده حق حد..الحمد لله”.

كريم عصام – القاهرة